فى بعـادك

فى بعادك قال لى القمر انساك

واريح القلب من ذكراك

وانسى حكايتى معاك

انسى انى روحى بتهواك

والعقل وقف على دنياك

وحواسى بتتنفس هواك

قلتلة ازاى انساه ياقمرى قولى وعلمنى

انا كل ماافكر انساه بيزيد الفكر فيه تفكير

آآه لو نسيتة لحظة تخاصمنى ساعات ايامى

فى بعاده يبعد عنى عقلى

انا ياقمرى حبيته حد الجنون

اسمعنى ياقمرى

صدقنى اقولك هو معايا فى قلبى

حبة بيجرى فى دمى

اعشقة ولا اقدر انساه

احبة حبك لمسائك

حبك لنجومك وعشاقك

حبك لسماء صافية وموجه بحر هادية

بحبة وبعادة عذابى

وان حاولت انساه ينسانى النسيان

انا بسهر ليلى على ذكرى كلامة معايا

وقلمى ودفترى وخواطرى واشعارى

كل يوم يسألونى عنة الف سؤال وسؤال

عاند القلم وقال مش هكتب غير اسمة ووصفة

مش هقول اى كلام غير فى عشقة وحبة

فى غيابة داب بين يدى اوراقى من دموعى

يا قمرى بوسلى عنية وقولة

محبوبتك دابت فى غيابك

وبعادك زود السهد والنار فى الضلوع

ياقمرى فكره بأجمل ليالينا

وكلامنا وعهدنا الجميل

ياقمرى قول له

هو حياتى واهلى وناسى واصحابى

لاء لاء ياقمرى قولة

هو غير كل الناس

هو عندى كل الناس

قول له مش ممكن يوم انساه

ولو فكرت انساه ينسانى النسيان

جااااااااااااااااااااااامد جدا يا ميدو تسلم ايدك

جميل جدا بس اجمل واحدة بجد قرائتها منك لما كنا فى الاسماعلية لما كنت بتكتبها وحكمنا عليك انك تقرائها انت وزينب باسلوب الالقاء بتاع المسرح بتاع الاكاديمية كان اسمها ايه يا ميدو بقه فكرنى كده

يعنى انت اللى ساند على الحصان ولا هو اللى ساند عليك Laughing

شكرا يا همسة وانتى وكوكى على مروركم اما انت يا كور مالك ومال الحصان سيبه فى حاله هههههههههههههههههه
الحصان ده تشبيه يا كور