AHMED TITO
عدد المساهمات : 396 تاريخ الميلاد : 13/12/1991 تاريخ التسجيل : 30/06/2009 العمر : 32 المزاج : على حسب اليوم
| موضوع: ابرد مخلوق واكتر الوقات حراااااااااااااااااااااا الأحد يوليو 26 2009, 07:21 | |
| هو وهى مشيين على الكورنيش .. الجو حار .. الشمس محرقة .
هي : عطشانة . هو : وأنا كمان . هي : يعنى ... عايزة اشرب! هو : أكيد مادام عطشانة يبقى عايزة تشربي . هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة . هو : ومين اللي هيحاسب ؟؟ هي : أنت طبعاً . هو : منين ياحسرة .. ماانتى عارفة الكانز وغطاه . هي : ماقلتش عايزة كانز .. كفاية إزازة صاروخ . هو : طب لو هاتجيبى اعزمينى معاكى . هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟ هو : عندك الكورنيش كله .. اختاري الرصيف اللي يعجبك . هي : قصدي تعزمنى في مكان شاعري . هو : في الحر ده .. ماينفعش . هي : بلاش دى .. نأخد مركب عالكورنيش . هو : المراكب بتغرق اليومين دول .. خلينا ع البر أحسن . هي : بلاش المركب تعالى نأكل ترمس .. أظن ده رخيص . هو : إنتى تضمني منين إن الراجل غاسل إيده وغاسل الترمس . هي : أعوذ بالله .. إنت مقفلها كده ليه ؟؟ هو : بصراحة معييش فلوس . هي :يا سلام!! .. ماأنت كان معاك إمبارح .
هو : إمبارح دخلت سينما مع بنت حلوة كده فالفلوس خلصت . هي : بنت حلوه ؟؟!! وبتقولها في وشى . هو : أكذب عليكى يعنى . هي : لأ .. تحرق دمى أحسن . هو : أنا مش شامم ريحه شياط يعني . هي : يخرب بيت البرود . هو : برود إيه ؟؟ ماهو الجو مولع أهو . هي : إنت اللي بارد . هو : بارد إزاى ؟؟ دا أنا بشُر عرق . هي : بقولك إيه .. روحنى . هو : أروحك ؟! هو إنتى ماتعرفيش تروحي لوحدك . هي : آآآآه .. طب أنا ماشية . هو : ليه يا حبيبتي؟؟ هي : حبك برص . هو : والله برص بيفهم انه حبني. هي : بجد كده كتير . هو : كتير إيه ؟؟ هي : إرحمنى .. واضح إن الحر بيجى معاك بالعكس .. يا بارد . هو : يعنى مصممة تمشى ؟؟ هي : أيوة وحالاً كمان . هو : طب استني لما نوصل آخر الشارع . هي : اشمعنى ؟؟ هو : أصل أنا ساكن هناك .. و مايرضكيش أروح لوحدى . هي : لااااااااااااااااااااااااااااااااااااااااااااااااا ااااااااااااااا....اااا.اا.ا............ هو : ينفع كده ترمي نفسك في الميه مين هايوصلني بقى | |
|
Ahmed Hossam مدير المنتدى
عدد المساهمات : 1794 تاريخ الميلاد : 27/01/1986 تاريخ التسجيل : 29/05/2009 العمر : 38 المزاج : nice
| موضوع: رد: ابرد مخلوق واكتر الوقات حراااااااااااااااااااااا الأحد يوليو 26 2009, 07:34 | |
| ههههههههههههههههههههههههههههههههههه احسن طريقة علشان نخلص منهم جامدة اوى والله
| |
|
shosho
عدد المساهمات : 26 تاريخ التسجيل : 30/05/2009
| موضوع: رد: ابرد مخلوق واكتر الوقات حراااااااااااااااااااااا السبت أغسطس 15 2009, 16:36 | |
| دى رخم اوىىىىىىى وبارد جدااااااااااا وهى عامية عشان حبت واحد زى دة | |
|