Ahmed Hossam
مدير المنتدى
عدد المساهمات : 1794
تاريخ الميلاد : 27/01/1986
تاريخ التسجيل : 29/05/2009
العمر : 38
المزاج : nice
 |  موضوع: تفتكر لما _ بعد الشر _ تموت.. مين اللى هيزعل قوى ومين اللى هيقول " اهو راح واستريح "  الخميس يونيو 18 2009, 06:31 | |
| تفتكر لما _ بعد الشر _ تموت.. مين اللى هيزعل قوى ومين اللى هيقول " اهو راح واستريح "
عمرك مره وقفت وفكرت: لو مت دلوقتى هيحصل ايه؟؟؟ الموضوع محاوله لتخيل الحياه بعد وفاتى ، وانت كمان حاول تتخيل وتفكر فى اجابه.
أيا كان سبب الوفاه ، مين اول هياخد
الخبر؟ هيعيط اوى ولا من الصدمه هيسكت ومش هينطق؟ ماما هتتصل
بأصحابىتقولوهم ولا هما هيتصلوا يسالوا عليا فيلاقونى مت؟؟ مين هيزعل عليا
اوى ومين نص نص ومين هيترحم وهو حاطط وشه فى الارض ومين هيقول ريحت ! لما
سألت اصحابى " هو انا لو مت هتزعلوا قد ايه " ما ردوش ، هى الناس مالها
متشائمه من الموضوع كده ليه!! عادى يا جماعه فيها ايه لما اسال مين اللى هيمشى فى جنازتى ؟؟ ومين هيفضل فاكرنى بعد ما تفوت سنين ومين هينسانى بعد اول شهر ؟؟
طب حاجتى هتروح فين؟؟ مكتبت ى
العظيمه بكل الروايات والاشعار والكتب الفلسفيه اللى ما بفهمهاش وكتب
الدين الصغيره اللى قريتها والمجلدات الكبيره اللى عمرى ما فتحتها والكتاب
اللى لسه شارياه جديد بس ماقريتهوش سريرى ودولابى ومرايتى، والمكتب اللى
كنت بحط عليه الهدوم واسيبه واذاكر على السرير ، ورق الكليه ، البراويز
اللىى على الحيطه ، النتيجه اللى ما بصيتشى فيها عشان متعلقه على مسمار
عالى ، عبايه الصلاه وكل هذه الاعداد من الدستور ، هل ببساطه هياخدوها
ياكلوا عليها ؟ يللا براحتهم، الموتى لا يقرأون الجرائد. وماذا عن موبايلى
؟؟ هيغيروا الشريحه ويستخدموا العده عادى ؟؟ ولا اى حد هيخدوا بشريحته
ويمسح كل الارقام الى عليه ؟؟؟ هيتخلص من رصيدى الاجتماعى كله فى دوسه
زرار .... عادى مبقاش ليه لزمه اصلا.
والايميل ؟؟ هيسيبوه لحد ما يتقفل
لوحده ولا هيخشوا عليه علشان يقولوا للناس انى مت ويقفلوه بعد كده ويشوفوا
بقى الاوفلاين الى فيها لينك لشريط منير الجديد والاوفلاين اللى فيها
ميعاد الكورس بعد التعديل والايملات بتاعت انشرها ولك الثواب . والمدونه
بتاعتى ؟؟ حد هيخش يكتب بوست انى هتوقف عن الكتابه لابد لظرف قهرى وهو انى
مت ؟؟؟ ولا هيسبها للناس تكتبلى تعليقات ويسالونى مبترديش وليه توقفتى عن
التدوين ؟؟................يااااااااااااااااااااه كل دى اسئله ...... طب
وانا احيرهم معايا ليه!!! ابقى متعبه حيه وميته لابد من كتابه وصيه وبعد
تدقيق وتمحيق انتهيت الى الصيغه الجايه دى للوصيه : الناس الى هتزعل عليا
ادعولى جامد وافتكروا كل حاجه كويسه عملتهلكوا والناس اللى كمش هتزعل ليه
كده ؟؟؟ تاكدوا انه لو كان العكس انا كنت هزعل جداا ... ابعتوا رساله لكل
الناس الى عندى على الموبايل تقولولهم انى مت وتخلوهم يدعولى ويسيبوا
الشريحه شغاله شهر علشان لو حد اتصل تقوقوله وبعد كده اقفلوا الخط خالص .
وبعد ما تعملوا كده ابقوا اقفلوا الايميل بس سيبوا المدونه مفتوحه علشان
اى حد رجليه تجيبوا فيها يقرأ لى الفاتحه.
اما بقى متعلقاتى الشخصيه فورق
الكليه شوفوا اى حد محتاجهم ياخدهم ، والكتب العلميه ، هتلاقوا فى الاجنده
بتاعتى اسماء ناس كنت مزعلاهم وعمرى ما امهلنيش اصالحهم خلوهم يسمحونى
قولولهم ماتت خلاص والزعل من الاموات ملوش معنى يا مصريين
خدوا بلكم من بعض والنبى .... سلاموا عليكو | |
|
