حتى ابليس طفش من مصر

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

ده مفيش ضمير اساساً عشان اموته..

و كل واحد بمزاجه .. خربانه ذمته..

فعلا مفيش حد عنده ضمير اصلا عشان الشيطان يخرسه

شكرا يا رونى على الموضوع

مرسى على الموضوع

موضوع بجد جامد جامد جامد جدا جدا جدا
ومش ليه حل والله

شكراااااااااااااااااااااااااااااااا
ولسه المواضيع الجايه ان شاء الله
مش هتقدر تغمض عينك

موضوع فى الجوووووووووووووووول
بس احنا ممكن نفكر فى حل مع بعض
ههههههههههههههههههههههههههههههه

» بطاقة ابليس الشخصية
» حصريا مسلسل افراح ابليس تم اضافه الحلقه الخامسة متجدد باستمرار وعلي اكثر من سيرفر