مصطفي كامل وكلامه عن عمرو دياب

بسم الله الرحمن الرحيم

دا الكلام الي قاله مصطفي كامل شفته في
برنامج ياليل ياعين علي الفضائية المصرية و كان مستضفين الشاعر مصطفي كامل

وسألوه عن شغله الجاي مع المطربين و قال أنه راجع يكتب لناس كثير زي عمرو دياب و محمد فؤاد و محمد منير وإيهاب توفيق وهاني شاكر ونانسي عجرم وهيفاء وهبي وهشام عباس

وإتكلم عن عمرو دياب كثير أوي

والمذيع سأله أنت حققت مع عمرو نجاحات كثير زمان ليه مش إشتغلتوا مع بعض بعد كدة

قالوه أنا كتبت أغاني كثير أوي لعمرو وحققت نجاح كبير زي أوعدني,الملاك البريء,ماتفكرنيش وفي أغاني كثير إشتغلنا فيها سوا بس عمرو مانزلهاش بس هو ناوي ينزل حاجات كثير منها في الألبومات الجاية

وقال أن كل المطربين جاتلي فترة وبعدت عنهم للأسف بس لأني كنت مركز في الغناء وعمرو كان بيكلمني علي طول وكان بيطلب مني أحضر له أغاني جديدة و ليا أغنية هتنزل معاه في الألبوم الجاي دة إسمها زمانك عدي وقال الأغنية دي كتبها له من حوالي 4 سنين وعمرو سجلها وكان هينزلها في الليلة دي بس أجلها للألبوم اللي هينزل دة علشان الألبوم في أغاني كثير رومانسية زي زمانك عدي

وطلب منه أغاني جديدة للألبوم بس قال أنا أعتذرت لأني مشغول بس عملنا تعديلات في اغنية زمانك عدي علشان عمرو هينزلها
وهكتب له أغاني جديدة علشان الألبوم بعد الجاي
وقال أنه هيكون في أغاني كثير أوي لعمرو من كلماته

وقال أنا بحب أبارك لعمرو علي برنامج الحلم و أنا أسف إني مقدرتش أسجل معاه في البرنامج وأعتذرت بس للأسف كنت عيان وسافرت برة في رحلة علاج

انا بحس بصراحة انا مصطفى كامل ده ولا مطرب ولا مؤلف ولا اى حاجة مش بحب اغانيه خالص اصلا بس دى وجهات نظر