Ahmed Hossam مدير المنتدى
عدد المساهمات : 1794 تاريخ الميلاد : 27/01/1986 تاريخ التسجيل : 29/05/2009 العمر : 38 المزاج : nice
| موضوع: انــتـا مــش ابـنــى الجمعة يوليو 03 2009, 10:47 | |
| طبعا الجملة الظريفة
اللى هى عنوان التوبيك دى
احنا عارفين انها من فيلم الخطايا
الفيلم دة تصدقوا نفسى اشوفو
اخر مرة شفت منه لقطات كدة
كنت فى 6 ابتدائى تقريبا
مممممم
يلا مش مهم
المهم
ان لما بصيت لظروف حواليا كتير بتحصل الايام دى
فكرتنى بالفيلم دة
وفكرتنى بالجملة دى بالذات
حاجة تزعل اوى بجد
(( مش القلم اللى شربه عبدالحليم حافظ من بابا عماد حمدى ))لاء
دى حاجة مختلفة شوية
احنا ممكن الواحد بيختلف مع البابا بتاعه على حاجات كتير
الحاجات دى ممكن تبقى صغيرة
وممكن تبقى كبيرة
مثلا
واحد شاف انه بقى راجل ويعتمد عليه وخلاص نوى يظبط حاله ويستقرر ويتقدم لبنت الجيران والبابا بتاعه يرفض
لاء
اى بنت الا دى
هنا نشات نقطة اختلاف
ان الواد بيتمسك برايه والبابا بتاعه مش عايز يتنازل عن كلمته
اصل كلمته متنزلش الارض ابدا 2 وانت مش بعد ما كبرت هتعمل عليا راجل
يقوم ينتهى الموقف ان البابا بتاعه
يرفع ايده فى وشه
اطلع برة يا حشرة ......... انت مش ابنى
ابنى علمته ازاى يطاوعنى ويسمع كلامى ويحترم راى
....
دة كان واحد من الوحايد اللى اختلفوا مع البابا بتاعه
على سبيل المثال بس
واحد تانى
حاسس انه فاقد الامل كدة وكل حياته سهر وخيابة مع اصحابه الفشلة زيه
ويرجع البيت وش الصبح مش عارف ايده من رجله
بابا يكلمه يفتكره مامته
وحالته صعبة
ييجى البابا بتاعه يرفع ايده فى وشه ويقوله : اطلع برة يا بوبى ... انت مش ابنى
ابنى ربيته على الادب والاخلاق ... مش فاسد زيك
ودة بردو واحد من الوحايد اللى حصل بينه وبين البابا بتاعه موقف
مش لطيف
وواحد تالت ورابع وخامس ............................ الخ
كل واحد فينا لازم بينشا بينه وبين البابا بتاعه عدة خلافات
ممكن تكون بسيطة
وممكن تكون كبيرة
بس حتى لو كبيرة او صغيرة
المهم
هل اللى بيحصل دة يكون سبب انه فعلا البابا بتاعه
يقطع علاقته بابنه
يقطع علاقة ابوة
اعظم علاقة حب وحنان وصلة رحم ربنا اوصانا بيها
...........؟؟؟
الاب له حقوق
لكن بردو الابناء لهم حقوق
....
فأنا مش بنكر ان فيه اولاد مستفزة وبتجبر البابا بتاعهم
يعاملوهم اسوا معاملة
لكن مش كل بابا فى الدنيا مثالى
وبيعرف ازاى يحافظ على اولاده
وثبت بالواقع والمشاهدة
ان فيه نماذج
(( لا تصلح لان تكون قدوة ونموذج يربى شباب واجيال..))
ياريته كان اكتفى بالبؤين دول
وصلح علاقته بعدها
لكن اللى بيستمر عليها
وتفوت ايام وشهور وسنين
وهو قاطع لصلة الرحم
قاطع علاقة اعظم حب وحنان وعاطفة ربنا خلقها فينا
علاقة الابوة باولاده
دة يبقى ايه...........؟؟؟
وليه ...........؟؟؟
هو فيه سبب لكدة..........؟؟؟
ولا الدنيا بقت فعلا وحشة ومبقاش فيها امان..........
حتى للانسان اللى المفروض يبقى قدوتك
اللى المفروض يبقى مصدر احساسك بالامان فى الدنيا دى
| |
|