بحبك
-انا اكتر منك
"فتره من الصمت "
-مالك
-ايه.....مالي؟
-مش عارفه انا ملاحظه انك متغير
-ازاي يعني ؟!
-اصريت اني اقابلك في الوقت الغريب ده ومن ساعه ما خرجنا وانت كلامك متغير وكل شويه تسرح وعنيك تدمع .. فيه ايه ؟
-بصراحه يا مولي انا نفسي مش عارف ؟احساس غريب مش اقادر افسره
-تعبان؟
-يمكن
-طب حاول توصف لي مالك يمكن اساعك
-انا مش حاسس بحاجه معينه بالضبط بس .. عندي هبوط خفيف وقلبي عمال يتنفض وشريط حياتي عمال يعدي قدام عنيه بسرعه.
**************************
وبدا يعتصر يدي بحنان والدموع الساخنه تنساب علي وجهه بهدوء
-انت اكيد اعصابك تعبانه تعالي نقعد شويه في اي حته
-لا مش عايز اقعد خالص ,تعالي من هنا
نظرت له بدهشه
-غريبه ؟
-هي ايه اللي غريبه ؟؟
-انت عمرك ما كنت بتعدي من هنا وكنت بتكره الشارع ده من يوم موضوع حماده
-يا ستِ ... الواحد لازم يغير علشان ما يزهقش
وبدا شروده مره اخري اخذ يتسال في نفسه لماذا ادخل هذا الشارع بالذات وفي هذا الوقت بالتحديد ؟ ولماذا اصر علي مقابله حبيبتي في هذا الوقت الغريب ؟
اسئله عديده اخذت تعصف براسه .. انه يحس وكان قدمه تسير لوحدها لا يستطيع السيطره عليها .. ما هذا يا تري ؟؟ماذا يحدث ؟؟
-زياد ...زياد...زيــــــــــــــــــــااد
-هه..ايه ؟
-لا .. انت شكلك تعبان اوي ولازم تروح
(قاطعني )لا. بلاش ..عشان خطري بلاش .. بلاش
اخذ يردد كلمه بلاش وترك يدي واخذ يسير بزاويه غريبه وهو ينظر خلفه __ في عيني بالضبط ___ نظره غريبه لها الاف المعاني
-زياد .. زياد رايح فين
-بلاش .. بلاش
صفير القطار يتعالي
-حاسب انت رايح فين ؟
-بلاش
-انت طالع ع السكه الحديد
الصفير يتعالي
-بلاش
الصفير يتعالي اكثر واكثر والقطار يقترب
زياد حاســــــــــــ.....لاااااا
خرجت صرخه من فمي مزقت سكون المكان وسقطت مغشي علي تجمع الناس حول الجثه الممزقه وبدءوا يجمعون اشلاء ويغطونها بالجرائد
-لا حول الله يا رب
-ده شاب زي الفل
-يا تري اهلك هيعملوا ايه
بدات افيق وربت علي كتفي رجل عجوز
-معلش يا بنتي ده "قــــــــــــدر"
موضوع: قدر(بقلمى أنا) 
الثلاثاء يونيو 02 2009, 00:31
