شكوة قلب

شكوة قلب جريح فى ليل حزين


غاب القمر ونجومه وهو وحيد


صدى شكوتة هزت ارجاء الكون


والشجن فى الصوت يبوح بجرح المشاعر


ليه يادنيا احب واتظلم


ليه اسعده ويكون هو سبب حزنى وشقائى


ليه اعيش اتمنى ابتسامه


وهو همه حزنى وألمى


ليه آآهاته تسهر لها دموعى


وألامى منها لا يبالى


ليه خطواتى لعيونه محسوبة


وهو ولا يفكر فى حالى


ليه اعيش اترجى واتوسل واتمنى


وتكون دموعى شريكتى فى حبه طول ايامى


اسمعك ياقلب بالجرح تنزف من قسوة قلب المحبوب


وانت الى عايش تتمنى سعادة ايامه


سامح ياقلب سامح وانسى


لا حزن يرجع الى راح


ولا شجن هيعيد الايام


مرت ايام الهوا وياريت تنسى ساعتها


على اد ما اتجرحت ياقلب يا مسكين


اكيد فى يوم هيطيب الجرح


سمعاك بتشكى وبتأن


ليه القسوة فى القلوب بالفعل وبالكلام


مش كفاية الهجر الى محير البال


هجر وبعاد وفراق فى لحظة زمن قاسية وجارحة


اقولك ايه ياقلب اسمعها منى نصيحه


انسى او تناسا وسامح


وارجع من تانى لايام الصبا


ارجع لايام الشباب قبل الشيب ما يملك حياتك


ارجع ياقلب واسأل عن طريق السلوى


يمكن تلاقى النسيان رفيق وصاحب


اسمعها منى ياقلب


اتمسك بالحب ولا تبعد عن طريقه


الحب ياقلبى لازم يكون حياتك