انــــا والنــجوم وهـــــواك
عزيزي الزائر الزائر يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
انــــا والنــجوم وهـــــواك
عزيزي الزائر الزائر يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
انــــا والنــجوم وهـــــواك
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


انــــا والنــجوم وهـــــواك
 
الرئيسيةانــــا والنجــأحدث الصورالتسجيلدخول

 

 انت مش عارف انت بتكلم مييييييييين؟؟؟؟؟؟؟

اذهب الى الأسفل 
2 مشترك
كاتب الموضوعرسالة
AHMED TITO

AHMED TITO


ذكر
عدد المساهمات : 396
تاريخ الميلاد : 13/12/1991
تاريخ التسجيل : 30/06/2009
العمر : 32
المزاج : على حسب اليوم

انت مش عارف انت بتكلم مييييييييين؟؟؟؟؟؟؟ Empty
مُساهمةموضوع: انت مش عارف انت بتكلم مييييييييين؟؟؟؟؟؟؟   انت مش عارف انت بتكلم مييييييييين؟؟؟؟؟؟؟ I_icon_minitimeالسبت يوليو 11 2009, 01:51

[b]كل يوم بيعدى علينا بشوف مواقف جديده وبنسمع كلام غريب والله
يعنى من ضمن كلام كتير بنسمعه

( أنت اتهبلت انت مش عارف انت بتكلم مين ؟)

تشوف الواد من دول لسه مطلعش من البيضة بس ابوه ماسك منصب مش كبير اوى فى البلد بس ليه وضعه يعنى ماشى بصدره فى الشارع

ولما حد يكلمه ولا يقوله يابنى عيب لما يغلط

يقوله انت مش عارف انت بتكلم مين ؟



والراجل الكبير يا عينى واقف خايف يقول لنفسه مين ده اللى بكلمه ليطع ابوه رئيس المجلس المحلى وينخ تانى

ويقوله والله يابنى مقصد اعمل اللى انت عايزة

ويمشى الراجل خايف للواد الصغير يعمل فيه حاجه فيقعد فى البيت ميطلعش كام
يوم ويفضل بعدها خايف للواد الصغير يزحلقة وهو ماشى فى الطريق ولا حاجه


ونمشى لمكان تانى بعيد شوية

وتلاقى بنت امورة صغنتوته كده ضاربة النضارة الشمس والطقم الفخم والبرفان اللى ريحته تشمم شارعين قدام

ورايحه تخلص ورق من مصلحة حكومية ودخلت على موظف حوكمى غلبان تقوله عايزة اخلص الورق ده ؟

يرد عليها يقولها طيب ثوانى يا فندم وهخلصهولك

تقوله ثوانى ايه انت مش عارف انت بتكلم مين ؟

يرد الموظف اللى طالع عين اهله . هتكونى مين يعنى ؟

تقوله لا انت لازم تتربى وتطلع الموبيل وتتصل على واحد صاحبها وتقوله انا
اتهزقت على اساس انها بتكلم يعنى ابن وزير المصالح الحكوميه وهو اصلا
زميلها فى الجامعه

الموظف الغلبان يبصلها وهى متنرفزة . خلاص والنبى يا بنتى انا غلطان ومش
هعملها تانى ويسيب كل اللى فى ايده ويقوم جرى يخلصلها ورقها ويسيب مليون
واحد واقف قدامه لغاية ميخلص للانسه ورقها



خدوهم بالصوووووووووت قبل ميغلبوكوا

مثل شعبى اصبح كل الناس بتمشى بيه مع شوية مظاهر كدابه تخفى الحقيقة المرة وشوية براعة فى الكلام بلسان فيه شوية تناكه

وصفة سهله اوى علشان تعمل نفسك مهم فى البلد

وديما الناس بتبص للمظهر وتحدد ازاى هتتعامل معاه ومبتفكرش مين فعلا اللى
قدامهم وبيفرحوا اوى لما حد يكلمهم بتكبر على اعتبار منهم انه صاحب منصب
كبير ولو اتحاجوه فى حاجه كوسطة يعنى يسهلهم العملية

وهو فى الاخر مش حاجه اصلا بس عرف يمثل دور خايب عليهم وهما يصدقوه


انت عارف انت بتكلم مين ؟

بنسمعها كتير ومبنعرفش ايه وراها

هل اللى بيقولها بيقولها بجد وفعلا هو منصبة عالى فى البلد ويقدر يعمل ويسوى فينا ؟

ولا واحد بيحاول يتحايل عالقانون بتمثسل دور صغير علشان يخلص ورقه ملففاه الكرة الارضية ؟



وفى النهاية

مقدرش اقول غير اننا لو فضلنا نتعامل كده مش هنتقدم ولا هنقدر نوصل ونبقى زى زمان لما كنا بنتحكم بعلمنا فى العالم كله


بنضحك على بعض بالكلام علشان منعطلش نفسنا بس والله اللى بيعمل كده معاه
الف حق فى كده مهو عايز يخلص مصلحته زى محصل مع البنت فى المثال التانى

او بنتباها بالمنصب زى محصل فى المثال الاول للواد الصغير والراجل الكبير
انا بقى

مش هسيبكوا الا لما تردوا وتقولوا رأيكوا


انتوا مش عارفين انتوا بتقروا موضوع لمين


؟



ههههههههههههههههههههههههههههههههههههههههههه
[/b]


الرجوع الى أعلى الصفحة اذهب الى الأسفل
أمة الرحمن

أمة الرحمن


انثى
عدد المساهمات : 412
تاريخ الميلاد : 08/03/1987
تاريخ التسجيل : 30/05/2009
العمر : 37
المزاج : الحمد لله

انت مش عارف انت بتكلم مييييييييين؟؟؟؟؟؟؟ Empty
مُساهمةموضوع: رد: انت مش عارف انت بتكلم مييييييييين؟؟؟؟؟؟؟   انت مش عارف انت بتكلم مييييييييين؟؟؟؟؟؟؟ I_icon_minitimeالسبت يوليو 11 2009, 01:58

هههههههههههههههههههه
موضوع جميل يا تيتو
الرجوع الى أعلى الصفحة اذهب الى الأسفل
http://www.nigoom.yoo7.com
 
انت مش عارف انت بتكلم مييييييييين؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
انــــا والنــجوم وهـــــواك :: المنتدى العام :: المنتدى العام :: قسم المواضيع العامة-
انتقل الى: